Hvítasunnukirkjan á Selfossi

Nytjamarkaður

Hvítasunnukirkjan setti á stofn nytjamarkað þann 1. des 2008. Markaðurinn var í Kjarnanum á Selfossi en er núna staðsettur í skemmtilegu húsnæði við Austurveg á Selfossi á horni Hörðuvalla. Markaðurinn hefur gengið vonum framan og hefur fólk verið afar duglegt við að koma með og gefa notaðar vörur. Mikil aðsókn hefur verið í markaðinn og daglega gera margir frábær kaup.

Markaðurinn er opinn frá kl. 13 - 18 alla virka daga.

Ágóði af nytjamarkaðnum fer í ýmis góð málefni. Við styrkjum ABC barnahjálp sem hjálpar börnum út um allan heim. Stór hluti af því sem við gefum fer síðan í það að hjálpa þeim sem minna mega sín hér heima. M.a. erum við í samstarfi við félagsmálayfirvöld í Árborg varðandi úthlutanir á matar inneignarkortum.

Ef þú átt vörur sem þú villt gefa getur þú komið með þær á markaðinn á opnunartíma eða hringt í síma 6998215.

Einnig er alltaf þörf á sjálfboðaliðum og þú getur hringt í síma: 6998215 ef þú vilt gefa af tíma þínum.

Eftirfarandi reglur gilda um úthlutun matarkorta og eru settar til að tryggja að við getum hjálpað sem flestum á skilvirkan hátt.

1. Úthlutun fer fram milli klukkan 14 og 16
á mánudögum í Hvítasunnukirkjunni á Selfossi.

2. Hver einstaklingur má koma þrisvar á ári.

3.                  Ákvörðun um upphæð miðast af fjölda í heimili

        a.    1-3 manns í fjölskyldu = 5.000 kr. bónuskort
        b.    4 og fleiri = 10.000 kr. bónuskort

4. Aðeins er hægt að úthluta einu korti á fjölskyldu
að hámarki þrisvar á ári.

5.                  Ef einstaklingur, einhverra hluta vegna, kemst
                     ekki til að taka á móti úthlutuðu korti, þá þarf
                     hann að afhenda viðtakanda umboð og skilríki.

6.                  Við tökum niður nafn, kennitölu og símanúmer
                     einstaklings og skráum í tölvu hjá okkur
                     og höldum bókhald yfir það hversu oft
                     einstaklingur hefur komið yfir árið.

7.                  Við notum kvittanabók í tvíriti og viðtakandi skrifar
                     undir móttöku korts. Viðtakandi getur fengið afrit ef
                     hann vill.

Nytjamarkaður

Vafraðu um

Tenglar