Hvítasunnukirkjan Selfoss

netfang: skrifstofa@selfossgospel.is

sími: 6949498

Hvítasunnukirkjan á Selfossi er lifandi kirkja þar sem öll fjölskyldan getur fundið eitthvað við sitt hæfi. Forstöðuhjón kirkjunnar eru Aron Hinriksson og Gunnhildur Stella Pálmarsdóttir og starfa þau sem kennarar á Selfossi með starfinu í kirkjunni.

Í kristinni trú finnur fólk frelsi og frið, sem hvergi er annarstaðar að finna.  Einkennisorð kirkjunnar okkar eru einmitt "lifðu í frelsi." Aftur og aftur sjáum við hvernig fólk eignast nýtt og betra líf þegar það upplifir kærleika Guðs.

Kirkjan á Selfossi er hluti af Hvítasunnukirkjunni á Íslandi sem telur u.þ.b. 10 kirkjur víðsvegar um Ísland.  Sameignileg verkefni kirknanna er m.a. að halda "Kotmót" en það er stórt fjölskyldumót (2500-3500 manns.) sem haldið er um verslunarmannahelgina í Kirkjulækjakoti í Fljótshlíð.
 
Hvítasunnukirkjan á Íslandi er þó frekar smá í samanburði við fjölda Hvítasunnumanna á heimsvísu en talið er að á milli 400-500 milljónir Hvítasunnumanna sé í heiminum.

Ástæðan fyrir því að við köllumst Hvítasunnukirkja er sú að við erum mjög opin fyrir verki Heilags Anda en eins og biblíufróðir einstaklingar vita þá var Heilögum Anda úthellt á Hvítasunnudag (sjá postulasöguna 2. kafla)

Messuformið í Hvítasunnukirkjunni er frjálslegt og einkennist af mikilli gleði. Tónlistin er lífleg og yfirleitt taka flestir kirkjugestir þátt í söngnum.  Raunverulegur boðskapur sem fólk skilur er predikaður.  Boðið er upp á barnastarf fyrir börnin á meðan samkomunni stendur. 


Þú ert velkomin/nn að kíkja í kirkju