Ný skoðanakönnun er komin hér á vinstri hönd fyrir neðan bók mánaðarins. Við hvetjum þig til að taka þátt í þessari könnun til þess að við getum vitað hver þín ósk er varðandi samkomutíma. Við bendum á að einungis er marktækt ef hver og einn kýs einu sinni.

Með von um góða þátttöku!

Það er mikivægt fyrir alla einstaklinga að eiga góða vini. Í Biblíunni er lögð áhersla á mikilvægi góðra vina. Í Orðskviðunum 17:17 stendur "Vinur elskar ætíð og í nauðum er hann sem bróðir". Hér fyrir neðan er lagið "Lean on me" sem talar um mikilvægi góðra vina og hversu mikilvægt er að standa saman í gegnum lífið. Mín persónulega reynsla er sú að vinir eru mun mikilvægari en ég hef nokkurntíman áður gert mér grein fyrir, því þegar á reynir er svo gott að geta hallað sér upp að einhverjum sem er sterkari en maður sjálfur. Guð blessi þig í dag, Gunna

Samkoman í dag (sunnudag) var frábær og gott orð var talað út, um það að skoða líf sitt og gera upp fortíðina.  Guð er góður og Hann vill fá að hreinsa líf okkar og losa okkur við allt gamla draslið og setja góða hluti í staðin.

Borðin svignuðu undan beikoni, eggjum og öðrum kræsingum í morgun þegar karlarnir úr kirkjunni komu saman heima hjá Valdimar. Í boði var ALVÖRU morgunverður:) Síðan áttum við frábært spjall og uppbyggjandi samfélag. Þið sem ekki komust í dag, endilega verið með næst.

Hinir árlegu og sívinsælu jólatónleikar Fíladelfíu "Fyrir þá sem minna mega sín" verða haldnir dagana 1.-3. desember. Tvennir tónleikar verða hvert kvöld fyrir sig, eða kl. 19 og aftur kl.21. Miðasala hefst fimmtudaginn 13. nóvember kl.10:00 Miðaverð er 3500 kr.

 Pistill vikunnar að þessu sinni er eftir Þorstein Jóhannesson. Hann hvetur okkur til að lifa í því frelsi sem okkur er ætlað.
Góð áskorun fyrir okkur öll. LIFÐU Í FRELSI !!

Nú er komið mikið af nýjum titlum í bókabúðina LÍF, bæði af bókum og geisladiskum. Í dag viljum við sérstaklega kynna bókina "Allir geta eldað" eftir Aðalbjörgu Reynisdóttur. En þessi bók sýnir hvernig má útbúa veislu án mikillar fyrirhafnar og gefin eru heilræði sem létta lífið.

Allt andvirði bókarinnar rennur til ABC barnahjálpar.  Bókin kostar 1.980 kr og er tilvalinn í jólapakkann!

Samkoman í dag var tileinkuð bænadegi fyrir ofsóttu kirkjunni í heiminum.  Við þurfum að vera dugleg að biðja Guð um að mæta bræðrum okkar og systrum sem verða fyrir ofsóknum víðsvegar um heiminn.

Í dag var opnuð lítil bókabúð í kirkjunni sem ber heitið Bókabúði LÍF.  Boðið er upp á fjölbreytt úrval af kristilegum bókum og geisladiskum.  Endilega kíkið í búðina, hún verður alltaf opin eftir samkomur og eftir samkomulagi.

Nýlega var framið vopnað rán í skóla ABC í Kenýa. Hægt er að lesa fréttina um þetta mál á vef mbl.is með því að smella hér. 

Þetta lag er frábært og á vel við í aðstæðum sem eru þér ef til vill ofviða. Hlustaðu vel á textan og leyfðu Guði að vinna í lífi þínu á meðan.

Nú er í gangi bæna átak fyrir landinu okkar.  Upplýsingar eru hér að neðan en þú getur tekið þátt hvar sem þú ert á landinu.  Það eina sem þú þarft að gera er að taka þér tíma til að biðja.

 Pistill vikunnar er að þessu sinni eftir Sveinbjörn sem veltir fyrir sér ákvarðanatöku og skorar á alla að taka hina einu sönnu ákvörðun.