Sunnudagssamkoman

Á sunnudaginn fengum við heimsókn frá Biblíuskólanum MCI. Við fengum nokkra vitnisburði og tvær predikanir og söng. Frábær leið fyrir þetta unga fólk að fá tækifæri til að þjóna Guði á þennan hátt. Heimasíða Biblíuskólans er www.mci.is.



Það var líf og fjör í Sunnudagaskólanum. Klara hafði lent í einhverju ósætti við vinkonu sína hana Lillu og vildi ekki leika við hana. Benni var að reyna að hjálpa Klöru að muna eftir því að vera góð við alla, líka þá sem eru ekki alltaf góðir við mann sjálfan. Klara grét þessi ósköp þannig að Benni og krakkarnir í Sunnudagaskólanum þurftu að kalla á hann Hjálpfús. Hjálpfús kom og minnti þau á minnisvers síðustu viku um að við ættum að elska náunga okkar eins og sjálfa okkur. Síðan sagði hann þeim söguna um hann Sakkeus. Klara jafnaði sig fljótt og gerði sér grein fyrir því að hún þurfti að reyna að vera góð við hana Lillu og sýna henni kærleika.

Krakkarnir lærðu í sunnudagaskólanum söguna um hann Sakkeus en einnig það að Jesús vill vera vinur allra. Minnisvers vikunnar er "Því að Mannssonurinn er kominn að leita að hinu týnda og frelsa það." Lúkas 19:10.

Allir krakkar eru alltaf velkomnin í Sunnudagaskólann!

Sunnudaginn 29. mars verður skírnarsamkoma. Þeir sem hafa áhuga á að taka skírn er bent á að hafa samband við Aron í síma 694-9498.