Sunnudagssamkoman í gær!

Í gær var líflegur og skemmtilegur sunnudagaskóli eins og sjá má á myndum í myndaalbúmi.


Klara, Benni og Hjálpfús komu í heimsókn. Klara kom með miklum látum og öskraði oj,oj,oj.... hún hafði nefnilega lent í því að Magga bekkjarsystir hennar hafði fengið blóðnasir í skólanum. Magga hafði beðið Klöru um að hjálpa sér en Klöru fannst betra ef Kolla kennari hjálpaði henni. Benni var nú fljótur að benda henni Klöru á að þetta hefði nú ekki verið fallega gert. Hjálpfús var sammála honum Benna og sagði þeim og krökkunum söguna af Miskunnsama Samverjanum. Klara sá því í lokin að hún hefði gert mistök og verið svolítið fljót á sér en ætlaði að passa sig að vera kærleiksríkari næst. 

                                                Minnisvers vikunnar
                        "Þú skalt elska náunga þinn eins og sjálfan þig".


Á samkomunni fengum við góða gesti en það voru þau Vörður og Ester forstöðuhjón í Fíladelfíu í Reykjavík sem komu til okkar. Þau deildu með okkur frábæru og uppörvandi orði.