Cinderella

Steven Curtis Chapman er frægur tónlistarmaður í kristna geiranum. Í dag er hann á tónleikaferðum með Michael W. Smith. Steven og kona hans áttu þrjú börn þegar Guð talaði til þeirra um að ættleiða fleiri börn. Þau ættleiddu þrjár litlar stúlkur á nokkurra ára tímabili og hafa verið samheldin fjölskylda. Nú í maí misstu þau yngstu dóttur sína Maria Sue og varð mjög mikil sorg í fjölskyldunni. Stuttu áður en hún dó hafði Steven samið lag sem kallað er Cinderella en það lag samdi hann í kjölfarið að því að hann var að baða litlu stúlkurnar sínar tvær en þær stukku alltaf upp úr baðinu til að klæða sig í öskubuskubúning. Þetta er yndislegt og hjartnæmt lag sem lætur mann ekki ósnertan.