Bókabúðin LÍF er opin á sunnudaginn eftir samkomu og eftir samkomulagi.

Margt nýtt og gott efni er komið í Bókabúðina. Frábærar jólagjafir fyrir fólk á öllum aldri. Meðal annars má kynna nýja bók frá Skálholtsútgáfunni sem heitir Lotta skotta og frekjudósirnar. En hún fjallar um hana Lottu sem finnur tvær frekjudósir og setur þær í töskuna sína. Því hefði hún betur átt að sleppa því frekjudósir hafa skelfileg áhrif á hvern þann sem þær koma nálægt. 

Bókin um Lottu skottu og frekjudósirnar eru fjörleg og fyndinog ómissandi hjálparhella í barnauppeldinu! Þær hjálpa börnum á léttan og spaugilegan hátt að breyta viðhorfum sínum til hegðunar.

Sænska söngkonan Carola heldur jólatónleika í Fíladelfíu 17. desember nk. kl. 20. Hún kemur fram ásamt sænskum píanóleikara. Carola hefur bæði kraftmikla rödd og gott vald á mjúku, hlýju tónunum sem eiga svo vel við jólalögin. Það verður því bæði hátíðleg og hlýleg jólastemming sem umvefur tónleikagesti. Nánari upplýsingar eru í síma 869 8407. Athugið númeruð sæti. Hægt er að sækja miðana á skrifstofu Fíladelfíu, vinsamlega takið fram ef þið viljið gera það.

Heimilislífið er dýrmæt gjöf og hægt er að gera margt skemmtilegt og spennandi saman sem fjölskyldan. Borðbænateningurinn er sniðugur til að hafa við eldhúsborðið og leyfa t.d börnunum að kasta tenging og síðan er sú bæn sem kemur upp á teninginn beðin. Borðbænin verður því skemmtileg og spennandi.

Borðbænateningurinn kemur í fallegum trékassa og kostar aðeins 1.500 krónur.

Þann 14. desember kl. 15:00 verður Súkkulaðidagur á Herragarðinum hjá Sirrý og Guðjóni. Í boði verður heitt súkkulaði með rjóma og eitthvað gott að narta í ásamt frábæru samfélagi.

Allir eru velkomnir til að njóta þess að vera saman í sveitinni. Um að gera að njóta þriðja í aðventu á þennan hátt og drífa sig í sveitina eftir samkomu. 

Ekið er upp Biskupstungnabraut, framhjá Þrastalundi, beygt inná Þingvallaveg og ekið framhjá Álftavatni. Gatan okkar heitir Ásborgir og húsið er nr.34